....} مــ ع ـــلوم أحـــ بـ ـــك {....

معلوم احبك وانت بالحيل غالي

ياللي ملكت القلب والعقل والروح

ياللي خيالك مايفارق خيالي

ياما طعنت القلب واقول مسموح

أعاتبك دايم وليتك تبالي

مجروح قلبي من بعدك ومازل مجروح

مااقدر على بعدك وهجرك ليالي

وان قلت ابخفي حبك اصبح مفضوح

ليتك تقدّر لوعتي وانشغالي

وليتك تداوي مابقلبي من جروح

سكنت وجداني وفكري وبالي

وفتحت لك قلب ٍ على الصدق مفتوح

ودّي بشوفك ياشبيه الغزالي

وودي بقربك يابعد كل مملوح

ياسيد كل البيض شرق وْشمالي

طيفك بوَسْط العين من وين مااروح

من غبت عني حلحل الحب حالي

وانا احسب ان الحب ضحكات ومْزوح

تكفى ترفق بي كفى ماجرالي

مالك من الهجران والبعد مصلوح